BAZAMILE, banikezela konke kwimidla yabo kwaye basenze sazingca ngabo ngokufikelela kwinqanaba lemidlalo yephondo nongona bengaphumelelanga.
Ibingamaqela amabini – i-Motherwell Camper yase NU12 ne-Mbabala yase NU1 – ebeye kumela iphondo leMpuma Koloni kukhuphiswano lomdlalo webhola ekhatywayo, ebizwa Kia Street Soccer.
Lamaqela anabadlali abathandathu – amantombi amabini, namakhwenkwe amane. Adlala imizuzu esixhenxe, ze aphumle umzuzu ubemnye kulemizuzu isixhenxe.
Umdlali we-Camper u-Anelisiwe Manasi uthe unalo noko ithemba lokuba bangaphumelela kulomdlalo kunyaka ozayo.
"Ndiva kamnandi, kwaye ndichulumancile ndinalo nethemba lokuba kunyaka ozayo noko sizakuliphumelela olukhuphiswano
"Asiqali ukuphumelela kwinqanaba lwengingqi, sizintshatsheli engingqini,"utshilo u-Manasi.
Lemidlalo yephondo ibibanjelwe kwisitalato sase-Java, e-Zwide. Iingingqi ebezi kumagqibela nqoyi olukhuphiswano ibe zezi: Kwazakhele, Zwide, Veeplas,Tinarha ne-Motherwell Camper.
Umhleli walemidlalo u-Kaizer Qunta uthe nakulonyaka uphelileyo abadlali bajike kukhuphiswano lwephondo, kodwa akusayi kuhlala kunjalo oko.
"Kulonyaka uzayo sizakuphumelela nakanjani, sifundile kwimpazamo zethu,"utshilo u-Qunta.